21.8.12 Dachsteinüberquerung
Vor einigen Jahren, beim endlosen Abstieg vom Hirlatz, mit'n Rucksack voll Zirmzapfn
sag i zum Helmut und Dieter: der Wandersteig zum Wiesberghaus war do a klassa Trial - nur wia bring i s'Radl da auffi?
Dachsteinüberquerung hoast des im Winter - mit der Seilbahn aufn Krippenstoa - mit de Felle umi zum Dachstoagletscher - und dann awi nach Hallstatt.
So hoasts a im Summa....nur de Seilbahn nimmt leider koane Radl mit.
Daher gibts nur oans: von Obertraun auf der narrisch steilen, grobstoanigen Schiabfahrt zum Oberfeld schiabm und tragen (so richtig brutal, wia bei oana gscheiten Trans-Etappe) und dann am mit unzähligen Stufen gewürzten Wandersteig zum Wiesberghaus umihatschn.
Auf der Sonnenterasse hab i de zwoa-drei Liter Schweiß mit Schiwasser und Radler wieder nachgfüllt.
Die anschließende Trial-Abfahrt über 1300 Hm nach Hallstatt - ja des war Weihnachten-Ostern-100sta Geburtstag..und...und...
I kan eich oans versprechn: diese Tour kannst 10 mal fahrn - da triffst bestimmt koan Radlfahrer...hi...hi
Hallstatt-Salzberg und Plassen in der Morgensonne
Dachsteinseilbahn - no Bike
dann geh i hoit z'Fuaß
Obertraun - im Hintergrund da Loser
steile grobstoanige Schipistn
Skywalk am Krippenstoa
no amoi Schipistn und Loser
zwischendurch schmale Wanderwegerl
i plag mi wia a Sau - und de Seilbahn fahrt leer auffi
Mittelstation Krippenbrunn
über de bin i auffighatscht
Kaserne Oberfeld
von da Bergstation no zwoa Stund
Gjaid Alm
da erste Gletscherblick
links Simonyhütte-rechts Wiesberghaus
a schens Platzerl für a Rasterl
vü Stufen auffi - vü Stufen awi.....
scheiß Stufen
Wiesberghaus - endlich bin i obm
jetzt gehts loos
1300 hm awi - nur Wegerlfahrn
Blick zurück - Wiesberghaus-Taubenkogel
Tiergartenhütte
fast oiss fahrbar
"Hallstätter Wasserspiele"
Regenbogen ohne Regen
Blick von da Waldbachleitn zum Plassen
mei Hoamat
|