13.10. Abtnauer Traunstoarunde
Ja und weil ma grad auf de Traunstoana guat eingschuastert san, gemma heit auf den kloanen Abtenauer Traunstoa.
Von da Karalm bis zum Firststeig oa Stund durch die Nebelsuppm - aber - knapp unterm First reißts auf, die letzten Nebelfetzn schleichn nordseitig über die Schallwand, am Grat frißt eam die südseitige Sun auf....a klasse Stimmung da herobm.
Am Zapfensteig wandern ma unter der Südwand vom Großen Traunstoa umi Richtung Schober. Bevors zur Gsengalm awi geht, pack ma no schnell den Kloanen Traunstoa.
Leider hat die Gsengalm scho zuagsperrt aber im Granter hams uns no zwoa Bier einkühlt....danksche, s'Geld liegt am Fensterbankl.
Nach der gmüatlichen Pause auf da Alm gehts übern Karriedel awi zur Bergstation vom Karkogl.
War a wunderschens Turl....schad, daß nit mehr Zeit ghabt ham>>
kurz unterm First kimmt die Sun
mystische Stimmung am Großen Traunstoa
am First
unter der Schallwand
am Zapfensteig
unterm Großen Traunstoa
s'Wetter wird oiwei schena
den pack'n ma jetzt
a liabs Steigerl geht da auffi
am Kloana Traunstoa....nur - koa Hannes und koa Schokolad war da!
beim Awigehn derf ma se a weng anhaltn
a luftiger Grat
guat das da a Seil is
unterm Gr. Traunstoa
die Gsengalm is scho zua
Zwoa Bier und a schene Aussicht
Panoramawanderung awi zum Karkogl
auf der Aussichtterasse am Karkogel
|