21.01.12 Trattberg von Sommerau
Trattberg - so kann a Powaltour zu ana Traumtour werdn!
In St. Koloman liegt so vüüü Schnee..also gemma gleich von ganz heruntn, von da Sommerau weg.
So spurn ma (da Gütschi) kniatiaf über die Wiesen auffi nach Großhorn - über zwoa Drahtzäun miaßma drüber - koa Problem mit an Leatherman kimmst überall durch und drüber. Bis zum Mauthäusl spurn mir uns den Weg selber, ab jetzt ham scho andere de Scheißhakn gmacht.
Bei da Enzianhüttn fangts an zum Schnein, am Vorgüpfe kimmt da Wind a no dazua. Ja und weils dann am Güpfe doch nit so gmüatlich war, hats nur an Schokolad vom Gü gebm, dann nix wia awi zur Jausn auf da Enzianhüttn. Bei da Hüttn liegn ca. 3 m Schnee, auf die Terrassn hamma owifahrn miaßn - normal muaßt a paar Stufen auffigehn.
Durchn Wald samma dann pfeigrad awi im oanahalb Meter tiafn Puiva - wannst Maul nit zuagmacht hättst, warst dastickt vo lauter Puiva. Des warn heit Verhältnisse wia in de Powder-Filme im Servas TV.
über unverspurte Wiesen nach Großhorn
Blick zurück ... Gütschi der spurt guad.
ein kleines Problem
Stacheldraht...da miaß ma drüber
"Leatherman" und Problem gelöst
..im unteren Bereich 40 cm Neuschnee
Spitzkehre in die...
...und aus der Garge !
Bei der Maut
...hier befindet sich die Strasse.
die Ersten war'n wir wieder nicht
vorbei am Kreuz zum Gipfel
Bergheil im Sturm mit Gipfelschocko leider ohne Hannes
die Almen um die Enzianhütte
d'Haustür is bis obm zuagschneit
...jetzt geht's los glei links duch'n Woid
Am Gaid san vor lauter Geil die Brün innen anglauf'n !
As Büdl is unschoaf ab des Woidstück is Wötklasse !
Da Hans konn's er is wieda dabei
Da Gütschi im Powderrausch (Alkfrei)
Da Gaid is mit Windl'n gfoahrn sonst wa ois durch gonga.
Wann wird des wieder amoi so sei !
|
