Eiskar 16.2.08
s'Wetter hat umgschlagn...költa is woarn...neue Schneeverhältnisse...wo gehn ma hi??...da Führer werd si scho wieder a Zuckerltour ausgsuacht ham...und genau so woars!!
und stöts eich vur, heit is a "neuer Oida oder a oida Neuer" s'erstemoi mitgonga
wer glaubts woar des???
jo genau....da oide Kühli is heit sei erste "Megatour" ganga....zum Schluß hat er gsagt
"des woarn heit drei Zwöfaherndln" gratuliere Fritz, tua na so weiter wannst in da Pensi bist brauchst a Kondi wia a Sau!
Vom Arthurhaus zur Mittenfeldalm und auffi zur Torsäuln, dann ins jungfräuliche Eiskar in a steile Rinn nebn da Teuflskirchn gspurt. Bei der Abfahrt hams alle gschrian vo lauter schen Puiva.
S'zweite moi angfellt und auffi zu di Vierrinnenköpf und awi zum Mitterbergsattel.
Herrrschaftseitn, des woar wieder a Tagerl!
Torsäule-Eiskar-Schoberkopf
a gmüatliche Wanderung zur Mittenfeldalm
s'Tennengebirg, links Raucheck-Rumpelkammer-Griesscharte-Fieberhorn-Thronleiter-Hochthron, rechts Eiskögerl
schad daß im Winter zua is
sche Abstand hoitn bei da Querung
Aufsteigerdes Jahres...
Torsäule
Eiskar mit Schoberkopf
a steils Schartl
d'Mandlwänd
Sepp,da Steilwandfahrer...
...und dann hat's gstaubt
des woar nur unsa Schartl
owi bis in Lärchenwoid
no amoi auffi zur...
Mittenfeldalm
sogar a weng aufgfirnt hats unter di Mandlwänd
a so a Kulissn
s'Bier hats heit in da Disco im gelben Schirm gebn
Wie schön unser Land ist, wird einem erst wieder so richtig bewusst, wenn man "oben", abseits von Hektik und Lärm, die frische Luft einatmet und eine märchenhafte Berglandschaft genießt.
|
|