Günters 55er am Zeppezauerhaus
Ein echter Urenkel vom Kaiser Karl feiert mit seiner Großfamilie, Berg & Radfreunden 55 Jahre Gütschi !
Günter wollte an seinem Lieblingsort, am Unterberg, im Zeppi, mit seinen Freunden 2 Tage verbringen
und organisierte eine Sportromantikulinarische Geburtstagsfeier in 4 Akten.
"Das Gesicht" spricht 1000 Worte.
1 Akt. Der Aufstieg
9:20 standesgemäße Ankunft am PP Rositten.
Das grüne Band ist Geschichte, heute sind's Luxusklupperl wohin damit ?...
Da neie Reitsteig.
De traditionele Schokopause mit Merci von Gü. sunst vom Ha....
...a bissi Romantisch woar des Wetta scho.
Die drei vom Steig.
I bins der, der don nu im Gedicht spricht......
2.Akt:
Des extrem Überdimensionalwahnsinnsguadeessn von da Zeppi Crew.
5 Sterne Schweinsbraten
s'Viermäderlhaus
...schmeckn duads jedn.
..und olle
3.Akt: Das Dilemma (o Ton Gü)
I bins dei Präsident und fong jetzt ganz links oben on, mit deinem Lebenslauf von Untersberg und Dir, mit deinen Wegbegleitern.
no amoi in Präsi sei Gedicht fürn Gütschi im O-Ton
Warum da Günter auf´n U-Berg geht:
Da Kaiser KARL, ihr wisst´s eh, wohnt, da am Berg do, auf da Heh !
I bin so g´sessen und hob so denkt, warum da Günter oiwei am U-Berg rennt.
A so a Berg hot a sei lebm und zwischen Günter und Berg, muas a Verbindung gebm.
Waun a auffi steigt auf´s Bergl –öfta moi de Wochn, redt da Berg mid eam, wearst lochn.
So sogn de Stoana zu de Latschn -da Günter kummt-tuat U-Berg hatsch´n.
De Ficht´n Miaz sogt zum Tannen Seppi, jetzt geht er auffi in sei Schloss Zeppi.
In a paar Monat mias ma uns wida recken, weil da tuat a bei uns Fichten wieda seine Schi vasteckn.
Beim Dopplersteig, glei nebm an Glander do sitzt da Feuersalamander: ja, serwas Gü – schreit da Salamander, wie geht´s da heit entlang dem Glander??
TIP TOP sogt Gü, i renn eh wia a Wiesl, ins Zeppi auffi, zu meiner Liesl. Kriag duat a Jaus´n und a Bier und sitz dann vor da Hüttentür.
Schau obi in Stodt dann zu de Leit, wie´s mi herobm am besten gfreit, schreib in mei Tourenbiachl eini 1256 um hoiwa neine !!
Bei da Schwoagmühl –auf´n Tonnabam sitzen de Krah im Rudl zam.
Da Vota Krah schreit zu seine Kinda, schaut´s her jetzt kimmt a wieda.
A jo, da Gü –koa Ongst vua eam, is unsa Freind, denn hom ma gern.
Kinda tuat´s eich t´sommareissen, dem deaft´s net am Bugl scheissn.
Und dann, bei de letztn Fölsn, fliegt Kunigunde, a lästige Gösn.
Ja serwas Gü - sogt´s - konnst dein Weg net untabrechn,
i mecht die so gern stechn.
I brauch a Bluat, muas Eier legn - und du kammst ma so geleg´n !!
Da Gü sogt: vaschwindt - las mia mei Rua, i muas an Zeppihäusl zua
Oba, a guada Tipp, des wird da taugn, am 1. September deafst Gnigler-Radler saugn.
Schon gonz obm, net weit vum Zeppi, steht´s Rudl Gambs, midn Gamsbock Peppi. Er hebt das Haupt zum Günter hin und ruft: he GÜ wo rennst den hin?
Frog net so bled, kennst eh mein Weg, Gamsbock Peppi, auf in mei Schloss, ins Zeppi.
De Gamsbockkinder sogn gonz vamessn, des is a Mensch den kunnst ma stessn !!
Des is a Freind von uns, den losst in Rua, der geht jo nua an Zeppi zua.
Der hot eichane Ahnen scho guat kennt, bis de Jagakugl hot´s darennt.
So geht´s hoid waun da Gü so rennt, er gfreit si das´n a jeda kennt.
De Vicha und die Pflaunzwöd, de Stoana un des fligat Tier, an jeda kennt den Günter hier.
Wia g´sogt mei Reim - er redt min Berg, da berg mid eam - do muas ja wos dahinter sein.
Die Sage lebt seit Tausend Joa und wird heute wida woa.
Wer so vabunden ist midn Berg, is koa Tourist und koa Zeppizwerg.
Leit, denkt´s noch es muas so sein, da Günter muas a Ur-Ur- Enkel vom Kaiser Karl sein.
I gfrei mit das olle do aufagfunden hobts. ob zfuaß oda mit Bohn.
Des Gedicht gfoit Mon und Frau,
es passt zum Gütschi gonz genau.
...4x hot as vorgetrogen des Gedicht,
weis so guad passt hot, zu dem fröhlichen Gesicht.
Mensch so vüüü Geschenke des daugt ma...kummts nur her.
De Bergfreind mit dem großen Korb...
Da Koch vom Zeppi hot erm gschenkt aus Nepal,
an göbm Schal.
..de Qergstreifte Haum mocht aus an 54 zga Köpfal an 60 zga Kopf.
...an wos denkst den jetzt ???
Danke für de vün Manna,
meine liabe Hanna.
Ois guade Paps...
a reparatur Tortn...
des beqemste Präsent,
hot eherm de Moni gschenkt.
..ich liebe sie.... de Schlapfn won i aufa kum ins Zeppi
Wau-tuliere Wau-ütschi !!!
3.Akt. Des Lustigsein & as Schlofn.
voi lauta Gaudi homa nur oa Büdl gmocht
vom singa und da Poistaschlocht !
4. Akt. Da Geburtstog
...nochn Frühstück mitn Liesi Schatzl
hod er uns zoagt seine Lieblingsplatzl
uns des khert ois mir............zum anschaun.
in da Stodt woas düsta und herom de herliche Sun.
...beim Sascha a kloane Pause,
da Gü sogt "a Bier stott da Jause".
...mitn Steckn in da Hond zoagt,
zagt da Urenkl seine Freind des gonze Lond.
De Dolienen san de Gefoahr,
do hots scho verschütt a Poar.
Da Tau und de Sun des is gwies,
jetzt gehts wieda obi weg vom Pardies !!!
Danke Günter für de Einlodung, des guade Essn und de Gaudi,
mir gfein uns schon auf dein nextn Gebutstog.
|
